Wordpress საიტის აწყობა - რამდენად ეფექტურია საიტის გაკეთება ვორდპრესზე ?
ვორდპრესის უპირატესობები:
ვორდპრესი საშუალებას იძლევა მიიღოთ მაღალი ხარისხის ვებ-გვერდი, მინიმალური დანახარჯებით.
Wordpress - ეს არის ღირებულებისა და ხარისხის საუკეთესო კომბინაცია.
ვორდპრესის სისტემა არის მოქნილი, თქვენ საშუალება გაქვთ სწრაფად და მცირე დანახარჯებით განავითაროთ თქვენი საიტი, მათ შორის სრულიად შეცვალოთ საიტის დიზაინი, გადააკეთოთ ვებსაიტის ტიპი და სხვა.
როგორი ვებ გვერდის დამზადება გსურთ თქვენ?
ძირითადი ეტაპები:
საიტის დამზადება ვორდპრესის სისტემაზე მერყეობს 750-5000 ლარის ფარგლებში. ფასები დამოკიდებულია ვებგვერდის ტიპზე, მის მოცულობაზე, ტექნიკურ სირთულესა და დიზაინზე
ძირითადი ეტაპები:
პირველ რიგში აუცილებელია საიტის დომენის (მისამართის, მაგ: mediacraft.ge) შეძენა, რომლის გამოყენებითაც ხდება საიტზე შესვლა.
ასევე ჰოსტინგის (სერვერი) შერჩევა, სადაც ფიზიკურად განთავსებულია თქვენი ვებ-გვერდი.
სწორი სერვერის შერჩევა არსებითად მნიშვნელოვანია ვორდპრესის საიტებისთვის, პირველ რიგში სიჩქარისა და ვებ-გვერდის ეფექტურად მუშაობისთვის.
ამ ეტაპზე გეხმარებით შეარჩიოთ საუკეთესო ვორდპრესის ბილდერი (Elementor, WPbakery, Divi და სხვა)
სწორი ბილდერის შერჩევა განსაზღვრავს, თუ რამდენად მარტივად შეძლებთ საიტის დიზაინის, სტრუქტურისა და კონტენტის მართვას.
WordPress-ის მეშვეობით შესაძლებელია სხვადასხვა ტიპის საიტის აწყობა: საინფორმაციო, კატალოგი, ონლაინ მაღაზია.
ვორდპრესის ვებგვერდის ფუნქციონალი პლაგინებით (საიტზე დაყენებული პროგრამებით) კეთდება.
არსებობს ფასიანი და უფასო პლაგინები, ხარისხიანი და უხარისხო პლაგინები.
ამიტომაც, სწორი პლაგინების შერჩევა და მათი გამართვა კრიტიკული მნიშვნელობისაა ვორდპრესის საიტებისთვის.
საიტის შინაარსის გათვალისწინებით, შესაძლოა აუცილებელი იყოს ფასიანი პლაგინების შეძენა, რადგან უფასო ვერსიები არ იყოს ისეთი ეფექტური, როგორიც საჭიროა.
ხშირად ლიცენზიების შეძენა ხდება 1 წლის ვადით. ამ პერიოდის გასვლის შემდგომ მნიშვნელოვანია მათი განახლება, რათა არ შეფერხდეს საიტის მუშაობა.
მნიშვნელოვანია ზუსტად განისაზღვროს საიტის სტრუქტურა – გვერდები და მათი შინაარსი, ასევე კონტენტი – ფოტო-ტექსტური მასალა.
სტრუქტურისა და კონტენტის განსაზღვრის შემდგომ მუშაობა იწყება საიტის დიზაინზე.
აღსანიშნავია, რომ ვორდპრესის საიტის დიზაინი უფრო მარტივად ექვემდებარება ცვლილებებს, თქვენ საშუალება გაქვთ მოკლე ვადებში და საკმაოდ დაბალი ღირებულებით, მთლიანად შეცვალოთ საიტის დიზაინი ვორდპრესზე.
ნებისმიერი საიტი საჭიროებს ტექნიკურ მომსახურებას, გამონაკლისი არც ვორდპრესია.
თუმცა, აღსანიშნავია, რომ WordPress საიტის მომსახურება უფრო იაფია და ხელმისაწვდომი.
ვორდპრესის სისტემაზე დამზადებული საიტი SEO მეგობრულია.
თქვენ შეგიძლიათ WordPress-ის საიტზე დააყენოთ მძლავრი სეო პლაგინები, როგორიცაა Yoast SEO , რისი მეშვეობითაც, სულ რამდენიმე წუთში განახორციელოთ საიტის პირველად ოპტიმიზაცია.
